kettinggesprek

[hoshinkido]

goeiemorgend ,leah ,gerarda,davang
t'ziet ter goed uut vandage,de zunne schient...wa moe de mens nog meer én ?
gerarda,t'go de goe kant ip mejje nieve neupe é ,je kant oost were roend rieén mejje notto
leah ,ken gelezen van je toekomstige schoonzeune die boswachter is in t'bos
t'is verre gekommen dan ze em ge-attakeerd den mé ne dikke stok ,openlik
ist ter niks ergs van kwetseure? van da ka zeer doen zulle,onze sloon men ne tak van de boom .
t'is topen dan ze dien bandiet kunnen snappen.
davang ,en oe got mé joendere? komt olles un bitjie were ip z'n plooie?
en de zeune ,oe got nu mé em? van je werkt were é
ja te nooste weke ,moek foto's loten maken vam me rik
kweten dak artrose én,das ol vil joren,mo ken were 4 dagen ofgezien
mo ter zie'n ergere diengen ,dan da va mien.
bluven lachen hoshi ...bluven lachen

[davang]

Olles is ier goet hosh, me zeune mag woarschienlik begun noaste jaere were an twerk, olles bitje mè neké, up tgemak...
Wodde oorke do.. en ze leah eur dochters lief angevoln en...of mookje us etwadde wis...

gerarda ke zoen wel wlin achtre stik cake kom zulle, mor tis stief slicht om te verdikken é... en ok dran begun weteke niemee te stoppen...

Slapt wel é ollemole...

[hoshinkido]

baneint davang ,t'is woor zulle van leah ur dochters lief
ne mensch go ne gow moeten zalve ne matrakke bie én voe snavens ojje olene lopt ip
stroate,of int bus (bos) t'is verre gekommen tegenwoordig..je mag nievers mer olene goon.
je witte'd é leah ,nie olene ip stroate lopen zulle
alé t'regend ier serieus

[davang]

Verdikke... kent vergeten te zeg'n dat uzen verjoardag wos, men wuvetje en ikzelve verjoaren oltiet up dezelfsten dag, de zeventiensten van oktobre...

Kan betre toen achtre e stik cake gewist bie gerarda...

[hoshinkido]

eest en voerol ,van harte gefeliciteerd mé joeder verjaardag geweest.
jammer damme nie wisten wanneer je vrouwtje en gie nateurlik verjoren .
gerarda go wal ne nieve cake bakken
leah oe ist mejje ,?

[gerarda]

alli Davang proficiat mi je verjoardag. Were e jartjen oeder.mo oje cake moe d(en morgennuchtend bak ek were ein.je moe mo kommen.Spietig dank nie mi in st Laureins weunen dat is ni ferre van Konkke ton zoet we de moeite zien voer eki inje n'ottoo te stappen ee. wieder zien diwijls s'avonds no Knokke gereen voer op de zeediek te wandelen.

Ja ja sa missek ik wel .ik zien van Ostende mo ja ojje dor gein familie mir et goje dor ni mi nor toe ee.

slaap wel hé
Gerarda

[gerarda]

Ja Hoshi nog assan last van je rik. Best daje der e ki lat noar kieken .met de gepaste pilletjes go da weg goed kommen .Ja alles gerakt e bitje versleten ee. t'voornaamste is dame der nog zien .met e betje hulpe van meneire doktuur kom het wel were in orde .
Jz moe paraat zien voe je kest versieringe wi; Ik zien der al cerjeus noar.
Us forum god er ook e betje mee versiert zien.

Alli couroage en hopelijk ni te erg.

Groetjes Gerarda

[hoshinkido]

bedankt m'n niegeltjie,dajje bezorgt zie't voe mien
vorlopig ék nog nie verder gedoon amme kestdorp,wegens zeer in m'n rik é
mo gin paniek ,da komt dik in norde...en ton majje genieten van de versierienge
giender moe nie betollen,en jet schone platsen gekregen ..ip deeste reke
jammer van t'wir vandage
vele groeten uut brugge an iedereen ,en geniet nog van joender zundag.

[davang]

Bedanst vor olle wensen è...

Ken wok vele up den diek gewandeld zulle gerada, ke zien ne natuur liefhebre, ge koste dikkers vele roodborstjes zien, surtoe otre vele zunne gewist wos... zan toen wel geen plum mè...

Zeg hosh, ejje giedre wok zovele zunne had vandoage....

ken dre toch van genoten zulle, mor mé miene paraplu...

Salu...

[gerarda]

ewel das woar Hoshi ik en dat ook a gepeist. schone voe nor te kieken mor omme op t forum kommen toch wat chique versierienge.

Ja Davang t 'hot binnekort gedoan zien voe de vogeltjes of under potjes gon vervriezen.

Groetjes en toe loater hé

gerarda

[gerarda]

leah zie je in congé payé no spanje misschien .gelik de rieke menschen die in de wienter no de warme landen gon.?
toch nie ziek hoop ek.

groetjes Gerarda

[hoshinkido]

leahhhhhhhhhh lig je mé de mozels dé?

[hoshinkido]

davang ik pezen é,dan de vrouwen ip drooi zie'n wé
of te wore ,dan petatten ant schallen zie'n...

t'is triestig wir vandage,en da go voe vree lange zie'n ..t'is oost wientere

[gerarda]

alli je moe nie zagen k'zien hier ook e ki.
van de nuchtend boodschappen gedoan en ton e stikkje eten binnen geslegen en in me luie zetel;
K"zien toch nog altijd rap moe wi. En omdank nie vele werken slaap ek ton nie goed s' nachts en eja overdag vliegen me kleppen ton e ek dicht ee

Ken a vele cornetjes geten wi. k'gon moeten beginnen fringen want k'en e nieuwe weegschale en hij ka azoo leiljk kieken onk de ropstoan wi. ja je wilt zeggen zeg madame e bitje minder sneukelen hé.

alli jet me hoorde ee slaap mo goed van nacht
Slaap wel moatjes allemalle
Gerarda

[hoshinkido]

goeiemorgend ,leah,gerarda,davang

k'pezen da leah bezig is bie ur dochtere ,ant schilderen of kuuschen in nunder uus,
dan ze gekocht én.. en domee zie'n me leah ier niet???
gerarda,ik ollen de pillen uut me weegscholle,azo wit die tute nie dak snoeperen
mo ,k'zie ol biena 2,5kg kwiet,drienken vil wotere,en groensels ,winnig petatten ,en oost gin sowse .
snoeperen is vele verminderd .
ken ier 2 schone vesten angen en k'osten de knoppen nie mé toedoen.
ne beige en ne koningsblauw veste. ken der ol ne poor weggedoon no t'containerpark..
mo k'zien do mee gestopt,van ze geven die kleren nie an sukkeloors zulle.
bielange nie,ze kuuschen da ,en da got nor de 2de handswienkels .
snieén ton nog liever ne meuwe of
alé oet je kalm hoshi,je sto were hoge van bloed .
mensen peest derip ...ZATERDAG OP ZONDAG DE NARLOZE 1 EURE ACHTER UUT ZETTEN
NIE VORUUT é