Kettinggesprek

[davang]

't angt wok bie mie vree lege...mor kezien ol gene van de grotste.... 't giet ier waetre...bie jundre wok...

[hoshinkido]

bie ons euk wé..en zovil wiend ..de beumen under bloren woren ant roengtvliegen in de strote
vande neuchtend was olles dreuge ..uutgenome me kele..kaan vasse kaffie gemakt..en stuten gesmerd mé sarop ..kan nie olle dagen toesspieze zie"n é zeg..van wor moet kommen dé?

[davang]

kom'n ier wok ebitje winnig kieken é, mor ken de latste tiet eigenlik niet stief vele up de computre bezig gewist...

[hoshinkido]

bezig gewist ek gisteren toe ten alven..kaan tene en tandere van papierwerk te doen en da moest in orde zie'n zé....ja moot ik verstoon joen wé,dat je niet olle momenten ka kommen kiekken é..trek je da nie an ter zit toch niemand achter ons é
t'giet ier were wotere verdomme zeg,echt stroentwir ,en vil wiend...,mo k'bluven binnen zé,in zo'n wir

k'pezen damme nie lange gon moeten wachten ip de wientere..k'voelen dadde.

[davang]

dadde kut zozere verandern, we kun ogliek nie zeggen da we waetre tekort en... get gie vele sanse, bie mi zit miene andre helft achtre me...

[hoshinkido]

achter mien trekken ze de lere ip
alé t'is vandage beter wir of gisteren..de zunne eet goeste voe slunse te geven...mo k'pezen dat ur tankstjie verre leeg is ze gon moeten tanken bie den Esso..en de petrol stoot ol zo diere é
k'wilde vanden nuchtend de ottobuus pakken nor t'zand..kaan goeste achter né' gebakken kieken aan spit,en leukwost voe de vreuwe..mo ken olgeliek nie gewist komtzagend zé
ken nor 'puptjie gewist an de Carrefour..bie leentjie
en k'zien nor uus gegoon zoender kieken e, zoender leukwost

[davang]

Leukworst kan verzekerst geestig zien... de miene it nie geerne lookwosten , we zien eké naer den ikea gewist, wan presies nietent nodig,e bitje speelbugt of e vazeke , ge kent dadde é...
Kostent aast ollemale niet draegen, zis nie 't oen osse in zukke winkels komt...
Ken toch olgliek nog sanse dajje daer gekoop kut eten...
En...wadde zei ze ojje niks mee at....

[hoshinkido]

niks mee en é ze zegt awal oe kom dadde ..k'zeggen tegen ur..je na
ginne die groot genoeg was en ken ton ginne meegebrocht , dreuge wost durfde'k nie mee briengen
en zeet zie ton wa danders gekregen in de platse ,en da was euk goed
nor den Ikea gomme miender nie wé... men ol wa damme moeten nen ..posteuren pffffffff kaderdertjies ,en heel de utsekluts
me gon liever un pannekoeke of waffel gon eten ..jet ter teminste deugd van
juuste é

[davang]

Juuste...moar ke meug'n nie te vele van ol zukke ding eet'n.. nie goe vor m'n carrosserie...
Moar jeet vele geliek zulle, den ikea is verre en kost vele nafte, morja , ze goat zie doar gerne eké natoe, en drebie, we kosten doar eké kieken noar olle speelbugt...de klai komt biekans é...

[hoshinkido]

ier komt ter gin sint niklooi mé wé.en spilbucht enne euk nie mé
en voe me kleenkiend moek ginne keupen jis biena 9joor,k'geven liever gald in de platse..omda mien zeune da liever eet verstooi mien
en snoeperie pffff jis dor nie zot an ....
mo k'versoon je vreuwe goed wé,ne mens is teminste ne kir weg uut ze uus é,van heledage binnen zitten is euk nie goed zé je word dor stief van ,dus pakt un mens nogol rap den otto voe weg te zien,ol wast mo nor moldegem rieén ...of nor de stock americain in de bleuwe torre

[davang]

An de blauwe torre zien we vandage gewist, me schonmoedre wilde eké noar diene grote bazar, ge kujje doar in daod lop'n...en 't is doar echt nie leutig.
Ge kut doar wel nevenst ojje de roltrappen pakt redlik gekoop eten, en 't is nie verre van den stock é...

[hoshinkido]

de stock é,is euk nog nie zo lange geleen helehangsten vernieuwd wé,
zen biegebeuwd,je verliest dor euk biena je weg tussen de nagels en pinaizen mor ik leupen dor gerne roengt ...osje wa nodig ét ,en je viende'd nie alders..awal do gojje da vienden....azo ék kik mien schomoedere gevoenden van ze levens
bedoel je die nieve colruyt ip st.pieters mé die roltrappen of de carre four in de bleuwe torre:roll:
ik en der nog nie binnegeweest..ken ier wienkels genoeg ip st kruus
en olles binnen de vuuf menuten é zeg

[davang]

zeg ,'t wos upt B-park, kgaen doar niet zo geerne, wel om étwadde te gaen han et'n...

[hoshinkido]

gon n'eten gok zekers nie doen in B-PARK
k'eten lievere woranders ..wor dat goed is en goekeup
van de noenend gomme verzekers gon wiekelen ..mo no woor??
da lote'k euvere an ur zé,azo is ze ton euk kontent,anders zoe ze zagen weerol no dor ..of were no huntere..men der nog mo pas gewist ..en ton zwiege'k kik é, t'is toch ik die moeten rien met de n'otto..en zie betold de nafte

[hoshinkido]

zieje soms ziek dé davang?
ik missen ier toch ons dialect wé..overolst klappen z'ier ABN,pffffff
sebiets moek nog nor t'scheule vor ABN te leren ,en ken dor gin bitjie goeste vore zé