kettinggesprek

[hoshinkido]

awel leah da doe me plezier sé..dat goed komt mejje schoeder
dajje nie mé no de kine moet is profiet in je zak meistje
oefeniengen thuus doen ,is prima...mo ton moejje ze wal doen é

[Gast]

hosh, ik doe iedere dag mijn oefeningen met de katrol.

Ik moet nog meer dan 20 keer noar de kine hoor, voorlopig nog gin profijt in menne portemonnee.

Hebt gij uw uitslag al ontvangen? Goed nieuws? Ik hoop van wel.

Fijn w.e. gewens hosh en davang. Morgen shoppen en zondag wandele.

Groetjes,

[hoshinkido]

leah ,voorlopig heb ik enkel de uitslag van de cardiologie..hart in orde
maar heb wel hoge bloeddruk volgende week terug naar de kliniek , longonderzoek...en dan ga ik weten of ik een puffer nodig zal hebben ??
hopelijk van niet
davang oe stel je't ?
straks zijn we gevraagd bij mijn vrouw haar zus en man ...gourmet en tetteren geen bier,of andere sterke dranken ..EEN BOB DRINKT NIET!
ik wens jullie nog een zonnig en droog weekend toe

[davang]

Wen uzze pluk get met de kindjes, gelukkig wost redelijk were, we zien wok blie dan ze ier undre ertje en kun upalen ...mor wok dan ze were noar undre moeke en vake zien...

Olles begunt ier wok were gelik vroegre te word'n, wel is me zeune dre van ovretugt datie niemè ze werk gelik vroegre zal kun doen, ik zelve wisten dadde ol van of de eeste weke na ziene val.
Tis topen datie nie in ne pit volt.

Me vrouwtje eur bloedresultaeten zien gerust stellend, dadde gift me vele courage, ken der vele nagtjes van wakkre gelegen...

Me knie doet wok goet, ke kun were toertjes doen, azo ist nie ollemaele sligt nieuws è.

Morg'n ewwe were twee up bezoek, mor ze zien ol etwodde oedre en ze geven wok goe were ut...

Toet noaste kè è leah en hoshke...

[Gast]

Dag heere,

Davang joeng, ben content veur u dat alles wir in zen plooi begint te valle. Uwe zoon zal wel ander werk vinde, zegt 'm da moar.

Hosh, uw hart al goet, da is belangrijk. Veur hoge bloeddruk bestaan er pillekes. Een puffer moete gebruike is oech zoe erg ni. Ziet alles mer rooskleurig in, da helpt.

Ich gon straks wandele, "zomer in oktober" las ich just erges, ma mer veur 1 dag, enfin, toch meepakke!

Groetjens,

[hoshinkido]

davang awal das goe nieuws man
je zeune go niet in ne zwart gat vollen..zie mo gerust
da olles goed is va je vrouwtje ..das beste nieuws dajje kost kriegen é olles volt stilletjies in ze plooien..
ken ik verlede weke ook magge babysitten k'zeggen tege me zeune ,loot mo de kleene bie ons ,en doe mo comissies ip joender gemak joot noegabollen ..den kleene gieng mee mé z'n vodere..en de noend bleef ier best dat t'ene is die luusterd ...k'zeien LIG tegen em...ejje sproengd ip me schoot
leah olles kom were goed meistje ,geduld ..tegen dat kestdag en nievejoor is ..doeje de rock & roll
zuuste ippassen dajje nie overmoedig word é!!! pas ip zulle
brave menschen ,nog ne rustige zundagavond ,en toe lotere

[davang]

't Is olwere gepasseert gelik olle jaere, me wrouwe verjoart up den zeventienste oktobre de zelfste dag gelik van mie, went kalme goen, zuste ebitje kafje en 'n tartje.
Zundag die komt meugen ze ollemoale kom voj teten, we doent toen tegaere mé epaar andre die wok ront dezen tiet verjaeren, mor me vrouwe eet natuurlik were kun reglen datut bie us gebeurd...

Den tiet gaet ogliek zere è, we zien nog geen sint nieklaes en olles vor kestdag ligt olwere te pronken...hosh zal were z'n erte kun upaeln...

Te kan bietiets zeer doen è leah, ke weten dre olles van, tis nu ol zo lange geleen van mie, mor okke dikkers de talloren up undre platse zetten voelket e twadde tegen trekken, nie oltiet wijje, nu en toen eké.

Kgaen begun met den upkuis, nu nie datre stief vul bie ligt, mor me wuvetje is gaen werk'n en moet'n zorg'n dattre were fris ut ziet è...

[hoshinkido]

eest en voerol ..proficiat mé joender verjoordag gewist davang
k'zien te lote é mo toch ist welgemeend zulle..nog vil gezoende joren olletwee

joot das woor wa dajje zegt davang...t'lig ol t'een en t'ander greed voe kestdag,te nooste weke beginne'k deran
sint niklooi komt ier nie mé langs?dus kestdecorotie magge'k uut ollen.
os olles gereed is van versierrienge ,gok ton foto's ier zetten
ken zeker ne hele dag nodig..komt do vele bie kiekken...ol die kabeltjies ,boompjties uuzetjies,en heel de battaklang,kestboom.
mo ken olle joren vil succes van de geburs wé
en da komt ook op you tube.
leah olles komt were goed meestjie ,jammer dajje zo lange most sukkelen mejje schoedere..ol dur die'n klutsere van de liene
mo je got in t'nieuw zien voe 2017

[Gast]

Och davang menneke, ich ben hier enige dage ni gewest en ich lees da gij en ur vrouwke verjaard zen...
En bitje te loat ma alsnog van harte gefeliciteerd me de verjoardouge en da ge allebei goet en gezond moogt blijve.

Ich schreef straks noch wa meer ma ich gon nu ete make, tot straks.

[davang]

Danke danke voj jundre wens'n...

[Gast]

Alei, 'k heb gegete, 'k zal nu noch wa kletse.

Davang en hosh, vandoug zou men schoonvader verjaard zijn en vandoug ist 2 joar gelede da men schoonmoeder gestorve is, ni zo'n fijne dag veur menne man dus, hij is al noar 't kerkhof gewest.

Ich ben vandoug men griepspuit gon hale, curieus of ich nu de griep ni zal krijge.

Hosh, verlede joar had gij me kersmis oech zo en kabelbaan hé, got ge die noch uitbreide dit joar?

Dit schouderletsel komt ni deur de lijn zenne hosh, da is men andere schouder, die zal ooit moeten vervange worde deur en nieuwe schouder, ma da stel ich zoe lang mogelek uit.
Ben zeer tevrede over mijn geopereerde schouder, kan al terug menne was ophange en pijn heb ich omzegges ni gehad, die chirurg zou ich wel en standbeeld wille geve.

Sloptwel hé manne, ich gon men avondtoilet make en dan mijne zetel in.

Groetjens,

[hoshinkido]

awel leah ,die kabelbone is nog oltied dezelfste wé
t'was te lote ,om die nog te monteren ..die zit nog in de doze .
nu vande jore ,gok em inwerken in me kersttafereel ..mo t'got un stik groter zie'n dan verlede jore.. omdak biegekocht en ..en nu got vil groter zien...de pries durve'k nie zeggen wa dat ollemolle te samen kost
die kabelbone olene kost 265€ ,zoender de reste ...
den 28 ste oktober ,beginne'k der an eest de kestboom van 1,80 groot,en ton beginnen met de basis op den dressoir voe kerstlandschap..
da vraagt vil werk ,en geduld....
davang oe voel je joen ,nu dajje ne joortje oeder ziet ?
mo k'gon ier ne fimpje tonen van die kabelbone ,t'is heel de zelfste of va mien wacht é ..filpje komt zo

[hoshinkido]

https://www.youtube.com/watch?v=eNXO48hFNrM

[Gast]

Prachtig hosh, ik kom al helemaal in de sfeer!

[hoshinkido]

ja leah ,ik kan bijna niet wachten om eraan te beginnen
maar ik wil niet dat het al iemand ziet..bijvoorbeeld ,de kinisiste,die komt de dinsdag en de donderdag dus wacht ik tot het vrijdag is (de 28 ste)
dan heb ik tijd zat..ook de dokter die maandelijks langskomt,is daar
altijd benieuwd naar,en hij vraagt dan of hij foto's mag nemen .
k'ga nog moeten entree vragen . maar dit blijft staan tot na nieuwjaar zulle. heb er teveel werk aan gehad
en dat zijn voor mij de mooiste momenten..kerst & nieuwjaar