Goeie morgen allemaal ... allee, t is bekans noen he!!Emteechauffeurke schreef:Hallookes Anneke,
Amai sjeg.....gij kunt er iet van zenne.pfffff !!![]()
Oei, die nachtbrakerij is nie mier aan mij besteed sé, Wanneer ge da berichtsje oan 't penne woart was ik al lang in dromeland!! Hihi!! Ocharme da woefke van au, joa as da beestje al wa op ouwerdom geroakt...ge doe da nie graag weg hee!!
'k z'en es curieus da ons Sonneke eur vallies in orde oan 't geroake is..es zien da ze menne goeie road ei gevolgd....! Ge moe nou nie peize da 'k doar ne specialist in zen zenne! Moar toch is da een kwestie van logisch peizen sé!!
Mense, mense, 't is hie terug droeg weer geweurre......gisterenoavend was 't gien weer veur ne woef deur te joage!! En da blijft nou koud hee.....da fabelke van diene oepwarming van onzen bol geloeve kik ne mier zenne!!![]()
In ieder geval kan da nog iel koud z'en zenne!!
Pffff, m'en gebure ligge nog percies in hunne pettattenbak....d'er is nou giene iene rol al omhoog getrokke.....ge kunt me de blote bille oep stroat goan!!![]()
Joa, 'k em 't nog gezei, 'k zen nen ochtendmens zenne!!
Allee, toen was 't mennukke veel belovend!! 's noenes was 't de soep van den dag gevolgd met vis me weuttelkes en erwtsjes n puree en as dessert een éclairreke sé!!
's oavens appelcompote me ne pens, sneekes brood en koffie! Diene dag was den ABL ons percies oan't vetmesten.pff![]()
![]()
Mense, 'k goan menne zaterdag beginne sé!!
GRTZ,
EMTEEKE
PS: Deze nacht een uurke minder uitgoan en da's goeikoep sé
Zeg Emteeke, k gon mijn valies gien week op veurhand inpakken zenne. Da duurt nog 6 dagen veur dak vertrek. Kem wel mijn briefje al af veur de hobbyspullen en nen ielen groeten trolley waar veel ingoat. K wee nog goe den ieste kier da we noar zo een week-end gingen. Iedereen had 3 of 4 van die groete klapboxen mee mee gerief he. En lachen da me deden. Ge moest echt over de bakken stappen want alles stond vol. Nou emmen we bekans allemoal zoe nen trolley.... ge weet wel he ... zo een hoge valies op wielekes mee verschillende vakskes en zakskes on de zijkanten en zo. Da ding past just in de kofferbak van den otto. Dan nog zo een groete big shopper mee papier en zo der in. een paor fardes mee knipvellen, de lijm, de plakband en de silicone nie vergeten want das belangrijk he ... en dan een klein valieske mee wa klieren en toiletgerief en zo.
Oh ja, den digitalen kodak nie vergeten veur alles op foto vast te leggen he. Veurige kier em ik in zoe een week-end 15 koartjes gemoakt. 'k was fier op men eigen
k zijn ne kier benieuwd wa dak nou goan presteren
Allee, k gon van mijn week-end genieten se.
dadakes, sonneke