Kettinggesprek

[davang]

ken mor winnig goeste om vele up den compjoetre te zitten, 't is verzekerst wok ebitje deur da were zekerst...teetier heel d'n dag donkre gewist...en nattig...nie dakke zoen inne pit zitten wè, mor de goeste istre nie...

[hoshinkido]

nie erg wé,osje gin goeste mé zoed én ,verstooin da heel goed,
ken ik euk van die dagen..dak gin goeste én wé..
mo k'zien blie dak van ne twa weten ...eupelik zien me makoor nog ip sennet moot
en pak mo gerust de tied die je nodig zoe den oké?

[davang]

oké oké...ge moetut nu nie verkeert uppakken wé,'t is geweun dan de dag'n tekort zien...'k moet'n vele bien me schoamoedre zien, zis nie te goet en kun eur ogliek nie in plan laet'n é... kgaen ier wel verzekerst olledage wel eké kom kiek'n, mor vor naer dandre ding te gan kieken lukt nie zo goet...gelik bie poletiek en zukke ding...

[hoshinkido]

zukke diengen mag je zekers nie verwarlozen zé,jet mor een schoonmoedre ,en ik verstoon da heel goed
ik ken ginne mé,
ejje moejje nie verplicht voelen voe' r ier te kommen schrieven moot,mo k'woren oengerust k'meenden dajje ziek was
gelukkig is da nie woor ,hopelik ist nie erg mé je schoonmoedere..zorgt ter mo goed voren wé

[davang]

goed drevoren zorgen doen we zekerst, zis nie echt ziek wéje, mor zis wok ol 87 é...ge kutre gin nieuwe van moken zulle.., ke gaen olle daeg'n vor eur komissies en ol zukke ding te doen,naor de post en eure bank, ke doen dadde wel nie te geerne...zeet zie wok nog andre dochters, verstaait ebitje... en ze kom ol nie te goet ovreen, nie dasse in zware ruzie zitten dadde nie, mor ze wetent oltiet vele betre otut gedaen is...

[hoshinkido]

ot gedoon is ..jaja kennen dadde,dat is bien mien juuste t'salfste wé
moja ik zien vil te goed van erte é..en onze moeten vragen an n' naderen ?..tegen ton ekke'd zalfe gedoon
oe zegge ze dadde were...leven ip un ander ze zweet
mo mien tied kom nog..zie mo gerust

[davang]

gerust laoten ist geweunlik beste dajje kut doen, ruzze maken kujje olle daoge, ol doetut wel eké zeer osse undre kom moein zondre ne poot ut testeken...ge doeje dikkerst zelve zeer of deen waor dajje etwadde voren doet, ojje undre wilt werepakken...

[hoshinkido]

were pakken ,ek ol dikwils gedoon
mé heel brugge ..mo nie mé mien zulle...ken ne geheugen lik un olifant
alé ken gisteren m' n kerstbeum gezet ..en de dressoir heel versiert ,ken der me werk anhed ..mo kzie'n kontent va me zalven..oe oedere dat worden hoe
zotter ,mo z'is zo kontent ,en ik euk
moot doe de kompliementen an je vreuwe ,en nog un goe weekend voe joendere wé

[davang]

we gaen dre van profiteren, wen zundag genneen wor damme moet'n voren zorgen, wen de hele dag vor us ollene, ken eur de complimenten ovre gemakt, ze keek gelik zot en zei, mè wodde ziejegie daer ollmole bezig...

[hoshinkido]

ollemolle bezig zie'n ier euk wé,miender zie nie olene é
alé zeet verscheuten dé, oe kan da nu... zie ik zo lelijk ?
ier emme euk niemand voe voren te zorgen pffffff gelukkig mo.
men genoeg gezorgt vroegere,nu zorgen me voer onze zalven.
de zunne schient ier bie ons..dreug wir..eupelik bluve'd azo
vande noenend is koeietoenge in madeira seuse..en vasse kroketten van de aldi

[davang]

Al die ding gelik koeietonge, of ol gereet gemakte vlees en vis schutels om up te warm zieke nie zot van, keten wel geerne ok olleene zien gelik vandaege, ze moste gawerken, haring in temattesause,geweun met è brunne stutte...keten wel geerne koeitonge da we zelve gereed doen, we moeten dre toen edeel in de vriezre steken, van mè tween is e bitje vele é...

[hoshinkido]

vele é,mok kmoeten tolene doen wé... ik keuken vele zalve thuus,
en ton gok euk né kir ip mun zalve pezen,en keupen ton ne kant en klore scheutele é..let ip dadde is zelvden zé..mo kzien ook ne ké gerne ip me gemak. oorienk in tamatteseuse..etek liever mé frieten ..
miender zeggen nog oltied pielsaars do tegen...
alé meé dol dat eten ..ék ol gin oenger mé

[davang]

...oengre èwwe wiedre nie echt, weten omdadde dure doar is...mor tsien wel haring wéje in tommattesause...ut de colruit geen pilsars, de gekopste diendre staen...
kedoen ikke wok dikkerst eké teten greed, zis zie blie dakke dadde doen...

[hoshinkido]

doen mok kik olledagen ..kun kunnen der nie van uut
ze zit zie in ne rolstoel é..en kan nie vele zalve mé
ken vande nuchtend no t'sand gewist,en ton no de steenstrote..mo koed da da was kaan verre ne fersettjie nodig ,je wist ook va de koede wé
kzien uutgestapt an t'sand..richtienge steenstrote,en an de simon steve platste ek ne genievertjie of 3 in me derm gegoten..krege toch un bitjie warme en ton verder no de wienkels gon kieken ,en keupen ook nateurlik. en me kieken ek euk meegebrocht van t'spit

[davang]

spitten moek nie vele doen, uze nof is doar vor'n nie groot genoeg, en nu ist zekre moment nie, wéje tis te koet...te donkre en te nat...