Kettinggesprek

[hoshinkido]

te nat ..te dreuge..de boeren gon were klagen wé,ze moen pertangs
niet klagen ..vil wotere ist ter nu ook nie gevollen é zeg
joot oender de doesse ,do volt ter vil wotere
alé tis ier ol vul ip kerst ..en vil luchtjies ..da zorgt voe sfere in uus...ze zegt tege mien ..sebiets begin jol de kestbeum in julie te zetten,k'zegge tegen ur..je moe dat gin twé keren zeggen zé,of tenooste jore ist van da
ken vandenuchtend no t'sand gewist mo volk dat ter do was! vil iengelsen ,en zapanezen... das mor un gepees van die mannen ,om te vajazeren no balgie é da zie' miljonairs zekere?

[davang]

zekre zitten dre ier wok zukke miljonairs...tsiendre ier kdie olle maand 60.000 eurokes kriegen vaor undre pensioen...andre vliegen twikeern naor tvoetbol up uze kosten...nie verschiet'n é...vor 500.000 eurokes...ochja, kgaen der mor ovre zwiegen é...tis nie goet vor terte...en dre bie, ier ist wok de platse nie om daer ovre te zevren...

[hoshinkido]

zevren doe me miender toch niet?
wa zeg je dor..zien der bie joender die 6O.OOO pansioen kriegen?
wa den de dé gedoon dé vanzelevens?
joot kent euk gelezen van die 5OO.OOO KNEKERS jawadde ,me gon miender wal bluven dokken verdomme..sebiets emme gin broek mer an ons gat..en moeme an de n' aldi of de lidl gon zitten bedelen med un taljortjie,en n'n naptjie
en ze spreken ton nog ,danze an onze pansioentje zoen durven zitten...
mo ton gok no brusele zé,en k'leggen de boel plat...alé nie olene é..van da go nie goon wé
me zien oost t'ende van t'joor were t'angen nie vil bladjes mér am me
nolmenak,mo ken ol ne nieven gekocht in de gazettewienkele

[davang]

't gazzettewinkeltje nie verre van me deure goat wok upoen, kgaen e stik verdre moet'n om me wekelijks gazettje te kopen...
deen die nu up zen pensioen goat, ze noemem ier den Europesepresident,ol istie nie daer voren gekozen deur us, jis wel voorzitre gewist, ewel den deen zoe drie joar lange achtre mekoar 60.000 eurokes kriegen in ne maand...zeen lik ollemoale dre e bitje van verschoten, ze klappen ol van etwadde mindre...

[hoshinkido]

etwadde minder? 59.999€ got tjie kriegen..azo zwieg iedereen ton pezen ze...ze zoe'n betere meer ipslag geven an ons verdorie.
kriegend verre were a m'n tikkere ,van me kwood te maken sé
mor me gon meschiens n' dag congé kriegen ,nu fabieula no den emel goot?
en ur begravienge gom me miender ollemolle wal betollen..zie to mo zekers van
vil volk vanden nuchtend wé,ip de markt pffffff amai mie voeten
ken kiekebillen meegebrocht,en ne grote ribbe..kregen goeste osse'k voorbie da kraam giengen ,en k'zien ton nor de simon steveplatse gegoon,achter un kaffie ,en ne ferme wiskietje derbie..en tee'd gesmakt
de zunne schient ier bie ons,en bie joendere?

[pablos]

bie joendere? awel t'regende vandaege

[davang]

vandoage eet ier wok gegoten,'t was koet en ogliek ekke de zunne gezien...zeg hoske...'t soeje muegliks kunnen slicht ovre kom met ol da geld, kezien ikke kontent me tgeen dakke en...zolange datze dre nie an zitten natuurlik...
...ejt gezien...dre is der nogene die us toalle sprikt... welgekom pablos...

[hoshinkido]

pablos walkom wé,
ier klappen mieder onze tolle ,en verstoon we makkoor..woor ander ip sennet sloon ze tielt ,omme azo schrieven

ja davang das juuste wa dajje do zegt..k'zien volledig akkoord dermee..zolange of dazze nie an t'onze zitten ..ist goed é
van men der vele nodig voe kadeutjes te keupen ol die kléenjoers dak kik en ,emme petekiend ,ton me zeune ..mien vreuwe pfffffffffffff kzien verre blut

[davang]

blut ziek kikke nooit...ze betoald zie olles...

[hoshinkido]

betold ze zie olles zeg je??
de miene nie wé...ik moeten oltied betollen,voe geliek wadde
k'zoen eijje platse willen zien moot,

[davang]

Nu volt mienen frang vo wadde dakke oltiet droomde van zukke schaptjes... ...kreen drachter mè me driewielertje...

[hoshinkido]

driewielertjie ék ik noois nie hed,wal un trottinette..vele gevollen ip m'n smiekele ja,en bleuwe plekken ...k'n reen dor nie gerne mee
k'wilden ne villo..mo kregen da nie wé..ojje nie ka rien mé dun trottinette zeed vodere..komt ter gin villo in uus..en k'moesten nie vele zagen wé,of t'was enen tegen me lampandeire

[niavlys]

Jommor mannekes, das ier allemol int dialekt vannon de zee.wétan dakkik vannin antwaarpe zén. kmut wel zegge data moeilek te volgenis da gesprekske. Mor trekket oe ni aan kzal da wel nog ontzijffere.

[hoshinkido]

ontsieveren moe je nie doen zé..t'is west vlaams
ik verstoon goed wa dajje gie schrieft
pezen da davang ,gin tied mer eet,om nog te kommen?
in ieder gevol wensen'k iedereen die ier komt..zollig kestfeeste,en gelukkig nievejoor 2O15..gezoend bluven ,en nog vil joren van geluk

[davang]

't geluk wos etwodde weg...miene compjutre eet tre ze kl...n an gevoagt...ken meugen achtre ne nander goan...
Azoa ekke nie vele klut'n vo nog vele cado's te koop'n...mor nen zalige kestdag en nen gelukkige niewjaar wensen kost niks é...ellé toens...
Ne zalige kestdag en ne gelukkige niewjaar é...