Kettinggesprek

[hoshinkido]

die zundag vandage..t'is gelik zomere..de zunne schient ier
ip vulle petrol ,zoeme van de wienter of zie'n dé?
damme me mor zere ,in onze emde (hemd) zoender meuwen (mouwen) kunnen roendleupen...en in me korte broek zoender pupen (pijpen)
beginnen ol te zweten ,zo warme ist ier ol

[Gast]

Ich zit heeje te rammele van de kaaa, de vinster (het raam) het ope gestoan want de kat wou buite loape, en de chauffage af natuurlek!
Amaaiiii, ich veng het toch noch ferm kaad zur, de winter is belange nog ni verbei (voorbij)!

Davang, hoe was de stoet in Heist?

[hoshinkido]

os de katte wilt buten lopen,moe ze mo buten slapen ,en zoe'n gin veestere(raam) loten openstoon zulle,ejje got je bleu betollen van gaze leah
kattebak binnen,en ze moe mor in ur bak ur behoefte doen,ze moe lusteren nor ons é
ik pezen da davang euk in de stoet lopt ,verkleed gelik burgemeester lippens
mé zie'n frigobox
ofwal zit tjie ip un terrasse /.mé den tasse warme kaffie ,en misschien nog un pannekoeke? mor j'is ziek leah davang moe thuus bluven zulle

[Gast]

Is davang ziek hosh of mokt dje een grapke?

Ich heub geleze da dje 9 kaffees binne het, das wel vuil zur!

En dje iet gjan toert (taart) me crème fraiche, zelf eet ich liever limburgse toerten, deeg en crème fraiche, ich veng da gien goei combinatie, maar das persoonlek hé!
Me schoenma zette vruuger oech alteed va die crème fraich toerten op de toofel, ich heub daaaan es gezeid da ich da ni lekker vond, ze kost doewe ni meej lache!!

[hoshinkido]

kost ze dor nie mee lachen leah
ik wal zulle
jaja toorte mé fringzen (aarbeien) en vil creme freshe ..oe meer ..oe lievere.
en liefst van ol 2tartjes de zundag
matte toorten zie'n vil te dreuge..da krumeld te vele(krumeld)
en de dochter lust ook gin toorte zekers?
anders got da mo dreuge zien ip reeze wé

[davang]

reize...zie giedre noch nie weg... en otet te droge wort moeje mor snjèw smelt'n é...
Ke zien zekre nie ziek weije leah, mor twos gistren laete eer da me overkomste(bezoek) vertrok...
't Was were ne schone stoet, ke peinzn biekan schondre dan in Aalst, mor terzien dre vele die dadde nie wet'n...

[hoshinkido]

ik weten da euk nie zé ,da carnavol in knokke schonder is dan in olst??
vroegere joren ..giengen'k dor no toe gon kiekken,nu nie mé
olgeliek da da schone is voe te zien..mo k'un kunnen zo lange nie mé
rechte stoon,tussen ol da volk
en euk nog zo'n probleem..je notto kwietgeraken voe te parkeren é...
ala menuut zie'n ze do wé de flieken,zekers osje do nie weund
of k'moeten kunnen parkeren bie joen é
carnavol in rio ..jawadde..do zoek wal gerne un ké notoe goon
das de moeite voe te zien...ol die samba meestjies..die azo kunnen schudden
alo gerard ..moe ter nog zand zien

[davang]

zand èwwe ier genoeg zulle...lat je nie vang ojje ol die mokken ziet in Rio...ken eké me laet'n wies moaken dandre vele tussen lop'n dien geen echte mokken zien,mor vinten...
Bien us kujje aast nie parkeren, ge meugt er mor 'n eure staen, wintre en zoomre...ke weun ikke in Knokke zelve zulle.. kriegen nu bikkanst mien kol van me nèmde nie toe...deur te dikke nekke...

[hoshinkido]

te dikke nekke?
je moet ton je emden ne mote grottere keupen é,aja
kennen knokke heel goed wé,ken dor vele mé beton geweest ..voe ol die
rieke smoeters die dor an t'zwien weunen biena olle dagen moeste'k no knokke...kaan dor un abbonnement
bie ons é,mag je langer parkeren zé..dormee dak zoverre nie mé rieén
leah ziejje ziek dé? lig je met t'kruustjie misschiens?
awal t'eed ier goe gevreuzen vannacht..en scharten dazze deen ip up der ruten van de notto ..mo nu schient de zunne,en ist agenaam voe buten te leupen..gin bitjie koed ist

[Gast]

Neije hosh, ich ben zoe gezond as ne vis moar ich heub al enkele dage tandpijn, morge noar de tantiest (tandarts), hij mag dieje rotzak d'er uit trekke!!!
Zondag in en broooke gebete, zo'n hard bagetteke hé, amaaiii, ich vloog omhoog van de peeeen (pijn).

Wa lees ich, noa Rio goan, bleft doewe mer weg zur, da is, Brazil dus, en gevoorlek land en wa davang schreft is oek just, ladyboys noeme ze die meiskes die dus feitelijk joengens zen.

Volgende donderdag vertrek hé, 7 u in Zaventem, zeed dje zeker da dje alles beeej (bij) het, doewe zen gin winkels zur.

Vandoug ni kaaad schreft dje, amaaaaiii zur, ich vond het vandoug ferm kaaad!! Dieje weind (wind), brrrrr, zoe kaaaad!

Ich zal oech meurge vertelle of ich ne tand kweet ben of ni!!!!

[davang]

ni bien den tantist laeten liggen hé, ge moetem verre achtre je smieten, diene tant natuurlik, dajje emnie mé werevint...da bringt geluk...zeggen ze toch
Twos ier wok wreet schon were, kmochten de ruit'n kuis'n van me keppe...

Ke weun nu wok nie ant zwin wéje, kweun dichte an de klinieke...dadeure kujje mor n' eure parkeren...

[hoshinkido]

parkeren word un probleem overolst tegenwoordig
of je moe betollen! en ik betollen nie gerne wé
ajaa je weund gie dichte an t'ospitol dé
da wete 'k goed zie'n ....ken der wal nog nie binnen gewist..
en kunnen dor euk nie goed tegen .
k'gon lievere woor anders binnen..woor dat aagenamer is
lik vandenuchtend ..un tasse vassche kaffie ,en ne koeksjtie derbie,en n' babbel mé me moten

[Gast]

Hij zit nog in menne mond davang, d'r valt niks te smijten!

Ich veng het hiel kaaaad buite, brrrrrrrrrrr!!

[hoshinkido]

koed buten? mor alé leah nie trunten é
en smieten moejje zekers nie doen wé,of kun kommen nie mé
davang oe ist mé joen....olles kits ?

[Gast]

Ich denk hosh, da het in het Antwerpse kaaader is dan in Brugge, ech woar, zun kaaade sneedende (snijdende) weind vandoug en gistere oek al!
Ich heub men dikke sjaals nochtans al gered gelegd veur te wasse, ich vertik het om noch nen dikke sjaal an te doen, alhoewel da ich dieje vandoug goed haaaa kunne gebruike.

Meurge wieral bekan weekend, deej weeke vliege oem, ni te geleuve!!

Gezelligen ouvend noch gewens hosh en davang!!