kettinggesprek

[Gast]

Beste heren,

Deze pc is stuk, dinsdag moet 'm binnen, als ik 'm tegen dan nog niet uit het raam heb gekieperd.

Hosh, veel beterschap!

Davang, tot later.

[hoshinkido]

oei leah ,pc kapot ?
en nu?? davang en ikke zitten ier nu helegangsten..olene
me gon miender da nie overleven wé

[Gast]

Menne maaaan het 'm gistere terug an de praat gekrege, maar hij moet toch binne veur een groot nazicht. Printer werkt oech ni meer. PC is noch maar 5 joar oud, kan toch noch ni verslete zen denk ich, of wel???

Voelt ge u noch ni goet hosh, wens oech veul bieterschap.
Straks komt men meisje, hoogdag vandoug hé.
Spijtig da het zonnig wier vorbei is, vanaf woensdag weurd het pas egt slecht, moa joa, niks an te doen.

Dag hosh, dag davang, zedde wieral an het klusse davang joeng???

[davang]

Ewel é leah, ge gaet nie gelov'n, mor ke zien vandoge begun mè me tegels te voeg'n, ken gistren achtre wit zand en ne zak ciment gewist, ke mok'n e mingelinge van 3 up 1(zand /ciment) mé e bitje woatre, te meugt nie te nat zien, en kosten begun...en dadde up ne oogdag...

Ke kostent nie laeten, 'twos zuk goe were doa voren, te gaet wel nie rap zulle, want te zien diepe voegen, ken ze oast te diepe uthoalt, mor te kan geen kwoad, te kut zuste mor sterkre zien... , miene wedre elft kostre nie mé lacchen mor ze gaet wok content zien dat gedaen is..

Oei...ge kostet nie lezen... werom vraeg je toen nie an hosh vo e vertalinge, je zoe ie dadde verzekerst stief geern doen vo joe...

Ge zit veel te vele up joene computre leah...ge moe dre voren zitten, nie drup... ke wisten wok nie da joene pc koste "praeten"...de mien kut da nie wije.
Vuf jaer is nu wel nie stief oet , mor ze gaen vanlangsom mindre lang mé...de commerse moe draei é... kiek wodde dan ze nu gaen doen mè de radios...

Mor hosh toch, leah é geld zat om ne nieuwn te kop'n zulle... :lol:bien de korste tiet is daer were

[hoshinkido]

t'is lik of dajje zegt davang..ik peensden da euk we..dat leah ip ur pc zaat ,inplatse van dervoren mor eerlik gezéed ..achter vuuf joor
begint de narde schieve(harde schijf) te verslieten (verslijten)
ejje gin zeer ajje knienen('knie's)davang? van voegen das euk nie olles é mo da got wal gin probleem zien ,voe dat tussen de splete te kriegen

[davang]

Neejk hosh, ken wel zeer an m'n polsen, 't is roare é, mor ok bezig zien voelke nieten van zeer...mor vanojje stopt begunt ovrol zeer te doen...
Ke zien content van mezelven, zien biekans an de nelft...ge kut et oast nie geloven é, mor dre zit ol biekans viftig kiloo zand en vuvventwintig kiloo cement dre tussen, de voegen zien nu wel vele mindre diepe, te gaet wel rappre gaen... 't is topen wijje.

[Gast]

Joa davang, tis topen.
Ich had in men glazen bol gezien da dje ant voege waart, goet werk, dut moar vots (doe maar verder)!

hosh, dje het geleek, in de winkel zeide ze oech da er iet schilt (scheelt) an de harde scheef.
PC is noch ni binne, poar andere zoake hebbe noa heeje prioriteit.

Redelek goet wier vandoug, meurge zou het slegter worde zei Frank, of wast Sabine?

Rustige doug vandoug, zal mer veul teed steke in ete moake.

Davang, alles goet met je zoon?

Tot donderdoug of zoe hé manne, meurge ben ich ni in men kot.

[hoshinkido]

oor je dadde davang?..leah is morgend nie in ur kot zeg ze

ze weund zie toch in ne nuus é .mo k'verstoon ur wé
ja zeer ajje polsen ..je moe me der niet van klappen..kent euk meegemakt bie me zeune pfffffff..en ne mensch is euk gin 20 joor mé é
mo ost gedoon go zien davang..ton gojje dor deugd van én..omdajje dat zalve gedoon ét. chapeau man.

[Gast]

Hosh

Ich heub genote va da liedje "Sierra Madre" gezonge door Heino, hoor da hiel gjan.
Ghyra het oech aandoenlek gezongen.
Hed dje de show va André Rieu in Boekarest gezien, George Zamphir was derbei, oech ne grote muzikant.

Wa zeed dje gon hoale in de Lidl, toch gin sigarette zeker!!!!!!!!!!!!!!!!!!!!!!!!!

(excuses oemda ich zoe nieuwsgierig ben... )

Ich woen in en appartement hé hosh, tis men paleiske en men kot.....

[hoshinkido]

awel schattebolleke ,ken no de lidl gewist achter commissies ..en appelflappen ..k'eten da vree gerne wé
ja die heino eet ne schone stemme..mo zo goed nie of van mien wé leah
ja andre rieu ore'k ook gerne,ken schone liedjes van em ...

ik zitten ol heel de nachternoenend met da liedje van siërra madre in me oofd ze zegt tegen mien...ostenblieft zieng ne ké wa d'anders...en ton ziegen'k van siërra madre é

[Gast]

Awel hosh, ich heub deze achternoen oech gezonge va Sierra Madre, zoe a schoun liedje.

Weurd gij ni dik van al die appelflappe? Ich mag doe alleen moar noar kijke....

Ich hoop dat ur madam gin koppeen gekrege het van ur schoun stemmeke, ich heub in de badkamer gezonge, menne gebuur zal blij zen....

Sloptwel hé mennekens.

[davang]

We zeg'n wiedre da wok zulle hoshke "us kot"...al istre e voordeure en 'n achtredeure an...

Me zeune gaet stief goed voruit leah, echt woar, je zoe mè augustus were wiln gaen werken, en schoonste vanol, zien dokteur peist da wok, wel wit ie stief god dadie niemé tselfste goa kun gelik vroegre...

Nog zuste zestien tegels te gaen...m'n pekle wos up en kan echt hé goeste nemé om ne nandren te moken, morgen komt wok...ot nie regent...

Ke gaen dre vroeg inkruppen vanovend, ke zien bekaf, ke zien zuste e nolfure ut bad...

[hoshinkido]

ja davang soms zeggen miender euk ons kot..mo zit olgeliek ne voor en achterdeure an é,en veesters
en doe mor un bitjie kalmtjies an mé te werken,je zie d'ol geliek gin 20 joor mé é zeg
ja leah ik ziengen vele ,in de badkamere,in de lifte,soms bie de bakkere...das omda kik oltied goegezind zie'n é
mo zoender te boffen..ken ne schone stemme...vil menschen en ol gezeed,worom doe je nie mee an wedstrieden..pffffffffff ken do gin goeste vore zulle. en ja leah ik eten gerne appelflappen,en eclairs ,en toorten mé fringzen (aardbeien) mo je verdikt do van wé..alé ik toch.
mo da komt wal were in orde,de kilo's gon der of..willen of nie willen en nu gok verder kiekken no me tilleviezie doeiiiii

[davang]

Ken gedaen.. ken wok nog de dremple van de garagepoorte up stroate vermakt of toch were e bitje effen gemakt... ken ol m'n punt'n gekregen van me wuvetje... allist dakke zelve zien dattet nie gedaen is van ne stielman...mor dadde ist voirdeel vanout te werren, je nogen zien zo goed nie mé...

[Gast]

Proficiat davang en wat goed dat je zoon aan de beterende hand is.

Swakke overleden, ben effe de kluts kwijt!