kettinggesprek

[hoshinkido]

leah ejje ol nivs héd va je dochtere?
oe steld ze dadde ,ét ze ol vikiengs tegen gekommen?
das ze mo verzichtig is ..van da zie'n vree mannen zulle,
miendere zi'n vil braver

[Gast]

De meiskes zen al trug hosh, IJsland is enorm duur, ze konden dus ni zoe laaaank goan as ze wilden, de financies hé!
Joa, ze had ne schoene viking tegen gekome, die had hun vergezeld oep ne gletsjer. Men doughter het oech hoogtevrees dus die mens zal wel zen job heube gehad.
IJsland telt mor 200 000 inwoners, das noch minder dan Antwerpe.
Reykjavik, de hoofdstad, vindt ze wel een gezellig stadje me schoene winkels, mo duur hé man.
Enfin, ze is wier thuis veur enkele moande, nu ja, "thuis". Woar ze in de zoomer noartoe trekt da weet ich noch ni.

Sloptwel hé hosh, veur straks natuurlek!

Groetjens,

[Gast]

Toch een mooi land hé hosh, er zijn wel veel stenen en gesteenten, het is een heel vulkanisch land.

[hoshinkido]

goeiemorgen leah'tje
ja t'is daar schoon,maar geef mij maar ons land hoor
brrrrrrrr wij zouden nogal klutsen van de kou.. klutteren zegge ze ol ier
mo da kost toch ollemolle vil geld é die verre reézen leah?
nog een fijne zondag voor jullie hé

[Gast]

Goeie meurgend,

Joa hosh, ich veng (vind) da oech.
Zou men geld doar ni an kunne geve, tenzij dak hiel veul geld zou heube natuurlek.
Ich ben oech graag thuis, oep men gemak, verder dan Spanje ben ich nooit gewest en das al veul te ver.
Ich woon oech hiel graag in België, tis e schoun land.

Ne gezellige zoundoug gewens hé hosh.
Doet vanaf de woensdoug ur flanelle ondergoet mer oan want het got wieral vrieze, noch e leste stukske winter denk ich.

Groetjens,

[davang]

Ne goei'n novend... tis olwere ne tiet geleen é, ween geschildret en ken wok bie m'n zuene die de 14tiensten wordt gopreert wis gan elpen, jat eindelik ol wil z'n terasse vernieuwen, mor je kut dre nietent an elpen.
Wen ol de nieuwe deksteen en de tegeles geleit ...
We moet'n nu wachten om te kun voeg'n... mo ottet wer vriest moe we wachten, meer kukdre nie an doen, dre komt nog ettwien om de meur'n te bezetten, dadde latke vor ne stielman ...

Ke wist'n nie datre doar zo diere wos leah...tis verzekers stief skone guntert in Iesland, mor ke gaen doar nooit me vrouwe noa toe kriegen...

Weetje hosh dandre up Iesland de eeste bewuners Noorman woaren...Vikings, toen nog ene die moeste weglop'n...
Die man zien echte kastaars zulle, ze kost'n mè undre bootjes ovrol noartoe...zondre zelfs e kompas...wreedoarts daddewel, mor echte ontdekkers...

Ke peinzen daduze S.W. were ze gebeursvrouwe Jeni goat zien zoet smieten, twordt were koedre...mor ja, we zit'n in 'tpitje van de wientre é...

[Silver Wolf]

. .. / . . .
Ke peinzen daduze S.W. were ze gebeursvrouwe Jeni goat zien zoet smieten, twordt were koedre...mor ja, we zit'n in 'tpitje van de wientre é...

Ke peinzen da Jeni sukkere go smiette,
waont mè eunze lieve vroewwe lèchtmèsse ot zi veur euren pannekoekkebak
ankle killotjes teveule von den Aldie mee-è genomme.
Enne dadde stot dor and'rs à joare totte à klomppe soamen te koekke...

't Zoal zuttekes èp eur kontte valle zin,
asse ze toch zoe utschuvve....

sw

[Gast]

Hi

sw, twie doage geleeje verstond ich ni wa je had geschreeve, noa verstoan ich het wel.......
De winter is zoe goet as vorbei, as ich bepoalde vogels hoor weet ich da het lente wordt.....

Davang, weurd uw zoon de 14de pas geopereerd, ich meende da het al veur deze wiek was. Men kaarske brandt al!
Ge het toch al veul gewerkt an zoon zen terras, doar euver zal 'm wel content zen.
Joa davang, IJsland is veural duur oep gebied va ete en drinke. En het begint oech hiel toeristisch te weurde en commercieel.
Men doughter verkiest toch Lapland bove IJsland, alhoewel al die Scandinavische landen behoorlek duur zen.

Gezellige donderdoug gewens!

Groetjens,

[hoshinkido]

eest en vorol ,wille'k davang z'n zeune un nerte oender de rieme steken ,en nie te vergeten ..davang zalve! da mag gezeéd worden,je mag zo oed zie'n of dajje wilt,ols voder helpt je bie je kienders,in de mote van t'meugelikke . ik zie'n ook zowene,elpen overolst
da de operotie goed mag verlopen,en da je zeune der beter van word..da wensen ik uut de groend vam me nerte.
leah ,me zie'n miender liever in ons egen landje é
t'is toch nog goekopere of woor anders. kajje dochter zo goed tegen de koede dé leah? nogtangs en de vrouwen oltied koed
ik verstoon zilver wolf heel goed leah,alé bedoelen ok trage lezen ,verstook olles
nog un schoon weekend voe iedereen ,en sterkte voe de menschen die da meest nodig én.

[Gast]

Da zal wel zijn hosh, da gij de wolf goet verstoat, jullie wone in dezelfde streek.

Men doughter het ni rap kaad nee, en ze hadde dikke kleren mee oech.

Sloptwel hé, veur straks......

[davang]

Get geliek zulle leah, ken de datums deurmekoar hoalt, jeet de zesden moet'n bingaen om olles nog eké te contreleren gelik z'n erte en nog zukke ding...ke gaent niemé doen...

Khopen dajje nog etwo keisen liggen et...

Bedans é hosh vor je schone woorden.

Zé sjanse é Silvren Wolf dat inde zomre nie vriest en geen sukre moe smieten... de vliegen zoen an eur g..t ang moeste ze in die sukre vol'n...


Wok an iedereen slopwel é...

[hoshinkido]

Da zal wel zijn hosh, da gij de wolf goet verstoat, jullie wone in dezelfde streek.

Men doughter het ni rap kaad nee, en ze hadde dikke kleren mee oech.

Sloptwel hé, veur straks......

leah da bestoon nie zulle,ik zien ne n'echten bruggelienk,mo zilverwolf is nie van brugge ..200% benne'k do zekers van
IN WEUNEN IN WEST.VL

[Gast]

De wolf is inderdaad ni afkomstig va Brugge hosh, moar hij woent do wel erges.

Davang, ich koop die kaarse me veul tegelijk hé, kom noch laaaank toe zenne.

Sloptwel!!

[hoshinkido]

leah ost toch nie zo nowe stikt(als het toch niet zo nauw steekt) ken nog twé werkbroeken ,ze zien nog nive,k'moeten ton gin kostume kopen.
k'zien ol ant sporen voe ne schone kado ..ken nu ol 2€ im me spoorpot.
ik ken ook vil késen in uus ..je wit noois é..zoende elletriek vollen???
mo ja ik smoren ol meer dan ne joar nie mé,dus ken gin surfels (stekjes)
of briquet (aansteker) oe gok da ton in brande kriegen .. wit je wa...ik gon ne grote schetslampe kopen

[Gast]

hosh,

Goeie meurgend,

Dje zeet nogal in de weer me ur lampe.
Stekjes moet je alteed in huis heube, hoe stekt ge anders en kaas (kaars) oan.
En werkbroek is wa té hé menneke, kleed oech toch mer en bitje oep as ge noar den trouw komt.

Alei, ne plezanten doug gewens an ieders. Ich gon seffes trug me menne bril, tis en ramp da brilleke.

Tot straks of zoe hé!