Goede middag iedereen,
Allee, we zijn der weer. Vanaf gisterennamiddag rond een uur of 3 zonder internet gezeten. Is da embetant zeg!!! Ge kunt niks hé. Edwin heeft den UPC gebeld moar die konden gien storing vinden zeiden ze!! En mee iene kier ... deze morgen ... weer internet. Rara, hoe kan da???
Nou nou, e nief prinseske .... joa, kem et gelezen op de site van ons Koningshuis. Prinses Eléonore, Fabiola, Victoria, Anne, Marie. Schoen zenne. A goe gewicht em ek gelezen!!! 'k gon rap es a koartje sturen se. Em ek altij al gedoan en dan krijg ek altijd a lief antwoordeke weer zenne ... echt woar!!! 't Is nie zoals bij die ollanders hier. Diene Willem-Alexander, tenminste zijn secretarioat, is nog te gierig om te bedanken
Verder triestig nieuws ont militaire front veur 'd hollanders. Gisteren emmen ze nen nieven boas gekregen, de generaal van Ulm en vandoag is diene generaal zijne zoon in Uruzgan gesneuvelt ... nen jonge luitenant van 23 joar. Nog nen 20 joarigen soldat die der bij zat is oek dood en 2 soldaten zwoargekwetst worvan ienen iel kritiek ligt..... Da zijn der nu al 16 die doar bij die Afghanen hun pijp on Maarten gegeven emmen ....
2 jonges zijn zonder benen teruggekommen en 1 maske heeft eur rechteronderbeen verloren. Ienen van die jonges was honkball-speler ... diene speelt dus nooit nie mier hé ...
Iel triestig allemoal vind ik.
Mee 't weer ist giene vette vandoag. 't is koud en guur en gien zonne te zien. 'k hope dat i'n 't week-end een beetje warmer word zenne ppfffff.
Mannekes, ons Sonneke goat nog wa knutselen se. A schoen koartje moaken veur a nief prinseske.
Oh ja, a vroagske. Is ter iemand die mij de nieuwe Story zoe willen opsturen as ter foto's van het nief prinseske instoan ? Een ander boekske mag oek zenne ... as ek moar a poar foto's van da nief maske em? De onkosten worden natuurlijk vergoed hé
Dikke knuf veur ulder allemoal he
sonneke