Goeje middag iedereen,
We zijn der weer zenne. Een iel goeie vakantie gehad. As ek zoe de berichtjes lees wast giene vette mee 't weer. Awel, dor in Beieren wast iel anders zenne. De ieste 2 weken iel goe weer ... soms veeeeeeeel te warm. In de eerste week temperaturen van rond de 28 groaden, de 2de week iets beter ... tussen de 25 en de 28. De derde week 2 doagen regen moar doarna weer goe weer!!! 'k Had 4 lange broeken mee mor kem ze nie vandoen had. Allien mor shortekes en T-shirtekes oanhad. Iene keer emmen we veel chance had. We deden nen toer noar een bedevoartkerk. Ne steile weg noar boven. Ze hadden gezei : bewolkt en kans op een bui. Dus wij de regenponcho's mee in de rugzak en op weg. Amaai, emmen wij gezweet zeg. 't Was bekan 30 groaden en iel zwoel weer!!! Zoe rond een uur of 4 gingen we terug moar opiens zag ik van die iel zwarte wolken samentrekken ... oei oei ... nie goe. Dus het wandeltempo een beke verhoogd. We woarn bekan bij de vakantiewoning ast begon te druppelen. En we woaren just binnen ... begint me da doar toch te gieten!!! 't Was compleet mee donder en bliksen zenne. Da duurde soe een dik half uur moar doarna kwam de zon der weer deur en dan krijgde doar van die dampbaden ... nie te doen. Ge zie letterlijk het woater op stroat verdampen. Zoe warm is dienen asfalt nog!!! En dan krijgde zoe een sauna-gevoel hé!!! Ge kunt doar eten en drinken zoeveel as ge wilt ... ge zweet het zoe weer uit.
We zijn oek een dagske noar Salzburg geweest, mee den autobus vanuit Berchtesgaden. Veur 5 euro heen en terug pak ik den otto nie zenne!!!
Een iel schoen stad zenne, amaai. Mee ienen dag zijde nie veel dus ... volgend joar een paor dagen meer uittrekken...
Enne .. as ge wilt tanken moette in Oostenrijk zijn zenne. In Berchtesgaden stond de naft 1.50 de liter ... in Oostenrijk 1.22. Das nogal een verschil hé.
En veur de rest iel goe gegeten en gedronken. Lekkere bratwurst, Jäger-schnitzel, Apfelstrudel ... en iel goe bier!!!!!!!!!!!!
Allien .. den terugweg was een echt drama. Vertrokken om 09.00 uur 's morgens en bij Munchen begon het al. Langzaam rijdend verkeer. Ge kon zo een 50 a 70 km/uur rijden en da op Duitse autobanen. Iel veel Belgen en Hollanders onderweg. Op een bepaald moment dacht ik da iel Holland leeggelopen was en da ze nu weer allemaol teruggingen
Moar tussen Nürnberg en Wüuzburg begon de misere. 't Was intussen zoe een 30 groaden en ... stilstaand verkeer. STAU. STAU en nog eens STAU!!! En da meer dan 2 uur lang. Op een bepaald moment stroomde het zweet letterlijk van mijn gezicht af. Van pure misere emmen we dan moar nen parking gezocht en der woaren meer mensen mee hetzelfde gedacht. 45 minuten loater weer vertrokken en hoera ... we konden 75 ...... meter doorrijden
En terug stil. De file was dus gewoon blijven stoan. Intussen wast al rond een uur of 6 in de namiddag en we moesten ons tussen 17.00 en 19.00 uur aanmelden in de jeugdherberg woar me gereserveerd hadden. Veur alle zekerheid dus moar gebeld da we in de fille stonden. Awel, dikke pech want die madam zei dat ze nie van zin was om te wachten as we doar om 19.00 uur nie woaren!!!
Dikke pech dus want we woaren er dus nie en we konden ons dus nie meer oanmelden. Van pure misere ben ik dan moar deurgereden noar huis .... nog eens 500 km derbij. In Holland kreeg ik doar een onweer op mijn dak zeg ... nie normal. Alle stroaten onder woater, regen mee bakken ... de ruitenwissers konden nie volgen. Van pure misere mor gestopt mor het bleef mor duren. Allee ... om a lang verhaol kort te moaken ... veur de leste 50 km em ek meer dan een uur nodig had en om 02.45 uur 's morgens stond den otto eindelijk veur de deur. Een ritje van bijna 18 uur ...
Om 03.00 uur lag ik in mijn beddeke ... tot den donderdag want deur al die misere kreeg ik 's nacht een ferme migraine-aanval.
Gelukkig was de vakantie wel iel goe. Kem zoe een 598 foto's gemaakt en Edwin heeft nen iel schoenen film gemaakt. Enne ... volgend joar goan we terug.
Allee, 't is hier weer warm vandoag zenne ... al de hele week trouwens mor doar em ik nie veel van gezien.
Emteeke, proficiat mee au nief ottoke hé!!! Edde gij van mij een koartje gekregen veur au moeke??? Kem er wel eentje gestuurd zenne.
Iedereen een mooi en droog week-end.
Sonneke
Wij doen alles blijkbaar samen!! 
... mor 't is ter mor eentje ... gelukkig zeg.
Eens komt er toch es nen tijd da ge da wordt hee...!!En de klein oep eur 10 goa dan tante weurre!!Joa da goa veur eur oek iet specioal z'en sé! Enneeuh die kaartjes goan iel zekers specialleke weurre, doar z'en ik zeker van sé!! 
